ಶ್ರೇಷ್ಠತೆ

ವೇಗದ ಬಾಳ ರೇಸಿನಲಿ
ಮುಂದೆ ಓಡುವ ತವಕದಲಿ
ಹಿಂದೆ ತಳ್ಳುವ ರಭಸದಲಿ
ನಾನಾರೆಂಬುದನೇ ನಾ ಮರೆತೆ
ನನ್ನನೇ ನಾ ಗೆಲ್ಲಲು ಸೋತೆ
ಗೆಲುವಿನ ಸಾಲನು ದಾಟಿದೆ
ನಲಿವಿನ ಕಡಲಲಿ ತೇಲಿದೆ
ಚಪ್ಪಾಳೆಯ ಸದ್ದಲಿ ಮುಳುಗಿದೆ…
ಆಗ ಗದ್ದಲಲೊಂದು ಸಪ್ಪಳ
ಸೋಲಿನ ಅಂಚನು ತಲುಪಿದಂತೆ
ನೋವಿನ ಅಲೆಯಲಿ ಈಜುವಂತೆ
ನಾನೆ ನನಗೆ ಗೇಲಿ ಮಾಡಿದಂತೆ…
ಆಗ ನನ್ನ ಓಟದ ಅರಿವಾಯಿತು…
ಗೆಲುವಿನ ಸುಳಿವು ಸಿಕ್ಕಿತು
ಆನಂದದ ಸೆಲೆಯ ಕಂಡತಾಯಿತು…
ಶ್ರೇಷ್ಟತೆ ಎಂದರೆ….
ಇತರರಿಗಿಂತ ಉತ್ತಮನಾಗುವುದಲ್ಲ
ನನಗಿಂತ ನಾನೇ ಉತ್ತಮನಾಗುವುದು…
-ಪೆದ್ದರಿಚ್ಚ