ಯಾಕೋ ಏನೋ!

ಯಾಕೋ ಏನೋ
ಕೆಟ್ಟದ್ದೇ ಹೆಚ್ಚು ಇಷ್ಟ ಆಗುತ್ತದೆ…
ಯಾಕೋ ಏನೋ
ಬೇಡವಾಗಿದ್ದೆ ಬೇಕೆನಿಸುತ್ತದೆ…
ಯಾಕೋ ಏನೋ
ಬೇಡ ಬೇಡ ಎಂದಾದರೂ ಅದನ್ನೇ ಮಾಡುವ ಮನಸ್ಸಾಗುತ್ತದೆ…
ಯಾಕೋ ಏನೋ
ಮನಸ್ಸಿಗೆ ವಿರುದ್ಧವಾದುದೇ
ಆಗಿ ಹೋಗುತ್ತದೆ…
ಯಾಕೋ ಏನೋ
ಒಳಿತು ಕೆಡುಕನು
ಅರಿಯುವುದೇ ಕಷ್ಟವಾಗುತ್ತಿದೆ…
ಯಾಕೋ ಏನೋ
ಬಾಳು ಅನೀತಿಯೆಡೆಗೆ ವಾಲುತ್ತಿದೆ…
ಯಾಕೋ ಏನೋ
ಸತ್ಯದ ಸುಳಿವೇ ಇಲ್ಲವೆನಿಸುತ್ತಿದೆ…
ಯಾಕೋ ಏನೋ
ಧೂರ್ತರೇ ದೂತರಾಗಿ ಕಾಣಿಸುತ್ತಿದ್ದಾರೆ…
ಯಾಕೋ ಏನೋ
ಅಡ್ಡದಾರಿಯೇ ಹೆದ್ದಾರಿಯಾಗುತ್ತಿದೆ…
ಯಾಕೋ ಏನೋ
ಅಶ್ಲೀಲತೆಯೇ ಸೌಂದರ್ಯವಾಗುತ್ತಿದೆ…
ಯಾಕೋ ಏನೋ
ಪರರ ನೋವೇ ಮನರಂಜನೆಯಾಗುತ್ತಿದೆ…
ಯಾಕೋ ಏನೋ
ಹೊರತಾದುದೇ ಸಂಪ್ರದಾಯವಾಗುತ್ತಿದೆ…
ಯಾಕೋ ಏನೋ
ಅಧರ್ಮವೇ ಧರ್ಮಪಾಲನೆಯಾಗುತ್ತಿದೆ…
ಯಾಕೋ ಏನೋ
ಅವಿಶ್ವಾಸವೇ ಮಾನವಧರ್ಮವಾಗುತ್ತಿದೆ…
ಯಾಕೋ ಏನೋ
ಪ್ರೀತಿಯ ಗಿಡ ನೆಡ ಬೇಕೆನಿಸುತ್ತಿದೆ
ದಯಾಮಾಡಿ
ಶಾಂತಿಯ ನೀರ ಚಿಮುಕಿಸ ಬನ್ನಿ…
– ಪೆದ್ದರಿಚ್ಚ